收到庫克嘅來電，原來真係會發生o架！庫克早排直接打畀個十七歲中學生Paul Houle，請佢做出年夏季實習，兼送部iPhone畀佢。但呢啲機會唔易得嚟，事關阿Paul幾乎冇命，靠Apple Watch執番命仔先有機會。

庫克意外收多位教徒。

話說，嗰日阿Paul打完欖球，瞓埋覺兩個鐘後，望吓隻Apple Watch，發覺心跳仲係每分鐘一百四十五下，心口同背脊硬係唔多妥，即刻入醫院，嗰陣佢已經嚴重脫水，心、肝、腎都中毒，開始喪失功能，爭啲就係咁先。原來佢患咗「橫紋肌溶解症」，隨時致死嘅病。Apple教主庫克知道佢哋隻錶咁偉大後，立即收阿Paul同學做真正嘅教徒。

第一手消息請下載on.cc東網iPhone/iPad/Android/Windows Phone Apps