城中鏡：鄧鉅明正能量 抗零售寒冬
太子珠寶鐘錶主席鄧鉅明博士尋日出席太子珠寶鐘錶獎學金2014/2015頒獎禮，佢透露呢個「學校起動」嘅慈善計劃已經幫助咗四十四間學校同八十八位學生，佢話：「我細個讀書唔得，鍾意打乒乓波同籃球，但讀書唔叻嘅人，都可以幫助讀書叻嘅人。」
鄧鉅明（中）喺頒獎禮上，恭賀得獎同學。
中秋佳節點慶祝？鄧生話：「一家人食飯，雖然香港環境麻麻，但都要諗開心嘢。依家人民幣貶值，股票大落少上，遊客多又去搞鳩嗚，香港打落呢兩年都會辛苦，未來零售都冇乜正面消息，大家講多啲經濟，少啲政治啦！」咁會唔會將生意拓展喺第二個地方？佢話：「唔會喇！我年紀都唔細，明年一月就登『六』（六十歲），都唔會擺六十大壽，我覺得自己登『六』後，諗嘢會成熟咗，自己睇嘢幾準。」
