政壇:業務系統分析師 最有「錢」途
未來邊行人工會升得最勁?美國職場資訊網站Glassdoor出報告,統計舊年到今年各工種嘅人工升幅,有指標性,排頭位係「業務系統分析師」。想知自己份工入唔入五甲?睇吓個表啦!
2014-2015年人工升得最勁職位
「業務系統分析師」(Business Systems Analyst)做啲乜?佢哋係屬於IT範疇,一般亦要識編程式,但就絕對唔係程式員。佢哋負責喺IT項目入面發掘、分析、傳遞同確認客戶要求,仲會參與系統設計同測試咁,即是客戶同IT團隊之間嘅溝通橋樑,即係兩邊嘅嘢都要識要明。呢個工種好搶手,人工一年升百分之十。
升幅榜頭二十位,大部分係財經或科技行業,但亦有例外,好似排第五位係「咖啡師」,估唔到呢?
升得勁還升得勁,實情人工中位數最高又係邊行?又係「業務系統分析師」,第二高係軟件工程師;人工高嘅頭二十大中,排尾一係收銀員,尾二係廚師。