城中鏡：青評會 愈走愈建制
香港青年時事評論員協會（青評會）每年都搞傳媒午宴，舊年除正副主席周浩鼎、陳志豪同一眾會董，白鴿黨南區區議員區諾軒亦以友好身份出席。但今年午宴就唔見區，咁啱主席周浩鼎建議，以後入會嘅都須係「撐政府」人士，唔通青評會已愈走愈建制，同泛民劃清界線？
周浩鼎
周浩鼎尋日直認自己「撐政府」，話「撐政府」可以凌駕好多嘢。唔知佢認真定講笑，仲要求以後加入青評會嘅人都要「撐政府」，有人問富貴黨青年團主席李梓敬點算？佢惟有話會員不在此限。周又承認要泛民議員加入佢哋有困難，會「有政黨壓力」，但有少量成員都算係親泛民人士。
