城中鏡:星展高層 玩字鬥Chok
星展近排同英國字體創作藝術家Sean Freeman喺銅鑼灣搞咗個「#MySparkHK」展覽,成班星展人放低平時專業嚴肅Look,勁玩巨型字母,搞鬼兼超Chok,連星展香港董事總經理和企業及機構銀行總監張建生同董事總經理兼北亞洲區私人銀行主管陳健元都玩埋一份,張建生仲興奮到舉起勝利手勢,甚為雀躍。
張建生(右三)、陳健元(左三)聯同剛完成管理見習生計劃嘅同事高舉Spark。
呢個活動有慈善元素,只要你用Freeman啲字母影相同上載喺指定社交平台嘅話,星展就會捐十蚊幫重病兒童願望成真。