洋服老店盼回歸開舖
【本報訊】 中環街市最新的活化方案出爐，意味着目前仍在街市內經營的零散小店面臨搬遷，當中包括不少老店。開洋服店二十一年的阮先生見證街市變遷，坦言自二○○三年起街市停止運作後，人流大幅減少，加上活化工程一拖再拖，影響生意，但他仍艱苦經營，面對即將搬遷，他指已做好心理準備，惟望當局給予多點準備時間，讓他跟熟客交代；亦有店主冀當局研究容許他們在活化工程進行期間繼續營業。
中環街市現時尚餘約八間店舖營業。
街坊嘆可惜:
陳先生（金融業）:「咁多年講保育個街市都唔見太大成效，係咪達到市民想要嘅效果我有保留，依家又要用到六億，我覺得都有啲貴！」
楊小姐（保險業）:「個決定有啲遲，始終中環地方咁多人經過，停用街市嘥咗啲資源，冇咗『漂浮綠洲』幾可惜，少咗個休憩地方。」
「唔知等到幾時」
中環街市現時尚餘約八間店舖營業。阮先生指多年來主要做熟客生意，若政府收回舖位，將十分不捨，「同街坊打招呼都打咗咁多年」。他憶述當年街市停用，人流減少，生意「唔多唔少」受影響，全靠一直以來「勤力儲客」。面對舖租高企，他擔心無法在附近物色到合適舖位，又對工程後能重返街市不樂觀：「想返嚟，但唔知等到幾時，等唔等到！」
同樣在街市開舖近二十年、為顧客執相曬相的譚女士直言對未來非常憂心：「以前都有問過同區其他舖位租金，至少都要兩、三萬，最貴五萬都有，唔少仲係樓上舖，邊有咁多人肯行上嚟呢？」她坦言已作最壞打算：「咁多年都收開街坊價，冇理由因為搬就狂加價o架嘛，到時惟有轉行囉！」
主要售賣女裝鞋的鞋店東主林女士冀政府研究讓他們在工程期間續營業：「影響唔係好大咪畀我哋繼續做囉！」她坦言二十二年來在同一位置小本經營，「都唔知點算，一時間叫我哋走去邊？」她冀當局盡量縮短裝修時間，並在街市重開後優先讓舊租戶租用舖位。
