政府早前突然宣布由原政制及內地事務局副局長劉江華，接替曾德成出任民政事務局局長，由於曾德成係被炒魷魚，政府當日並無安排兩人一同會見傳媒，以免尷尬。不過，呢兩位新舊民政局長，上周五終於喺香港中樂團嘅《世界反法西斯戰爭七十周年暨第三十九樂季開幕音樂會》上碰頭，並首度公開合照。據悉兩人喺活動上被安排坐埋一齊，有互相握手寒暄，並冇明寸暗踩。
新舊民政局局長劉江華（左三）同曾德成（右三），與多名香港中樂團高層及民政局隨員合照。（互聯網圖片）
