SUN搞作：SUN官場現形記：Delay No More
五鐵總遲，基建「血流不止」，運房局局長炳炳責無旁貸。市民滿腔怒火，一見炳炳，氣上心頭，開口就鬧……
市民︰你究竟有無睇實啲工程？
炳炳︰有，梗係有！
市民︰咁點解樣樣都遲？你唔係真係用對眼「睇」吖嘛？
炳炳︰點會呢……
市民︰仲有乜都超支，何其失禮！
炳炳︰咁咪當彰顯香港財力囉，「滯工興港」，一啲都唔丟架。
市民︰最驚臨尾又要用公帑埋單，到時真係丟，不過係丟錢落海！
炳炳︰到時嘅嘢，到時先講喇，最緊要活在當下。
市民︰……真係嬲到要講句，局長delay……no more！
