政壇：港租貴 王淑筠睇好內地

香港零售市道疲弱，雖然租金已持續下降，惟商界仍不感樂觀。早前我哋見到香港中小型企業總商會品牌發展委員會主席王淑筠（Diana），佢話香港生意難做，早前其家族珠寶店因被勁加租，於是將零售店轉型開設大型樓上展廳；而佢旗下嘅朱古力店喺最近都簽咗新租約，雖然租金已比高峰期回落三至五成，但佢始終對內地市場看高一線。Diana解釋，其家族喺內地仲有約二十間珠寶零售店，因為內地租金平過香港一半有多，所以生意額唔會比香港差。