城中鏡：周瑋瑩慈善高球惠澤兒童
名媛Jacqueline周瑋瑩，尋日以香港保護兒童會籌委會主席身份出席慈善活動，同場仲有張松橋太太張朱秋慧。
周瑋瑩（左）大讚張朱秋慧（右）熱心慈善。
Jacqueline大讚張太熱心慈善工作，又話：「張太一開始係支持我哋嘅高爾夫球日，下個星期五會再搞，佢今年都有贊助，但因為唔喺香港，所以唔可以落場。佢打得最勁，好健康，又鍾意畫畫同打波。但我當日就唔會落場嘞，因為我唔識打！」而張太就笑言唔敢自誇係高爾夫球高手，佢話：「一個星期都會打兩三次。」再追問係咪同埋老公一齊打時，佢話：「唔係！自己打！」
