城中鏡：二胡大師父子 出騷好心情
相信大家都有留意國寶級二胡大師王國潼夫婦早前墮入電話騙案一事，有指損失二千萬元。上周六王國潼就同有「二胡王子」之稱嘅兒子阿Ray王憓父子檔出騷。今次係王國潼不幸受騙後嘅第一次公開演出，當晚幾乎全場爆滿，樂迷反應熱烈，氣氛唔錯，睇嚟樂迷都好支持王國潼父子。
王國潼（左）同兒子王憓父子檔演出。（受訪者提供）
王國潼同阿Ray上周五晚喺高山劇場為由康樂及文化署主辦嘅《紀念劉天華誕辰一百二十周年音樂會》演出，兩父子仲為樂迷簽名，有唔少樂迷排晒隊等攞佢哋嘅簽名，真係捧場，而王國潼嘅心情似乎亦已經平復咗。
阿Ray就話，其實事隔近一個月，父母已經將電話騙案件事擺低咗嘞，情緒亦都平復落嚟，依家已經過番正常生活。
