水客：無以前咁好搵
【本報訊】 打擊水貨客「扣車仔」新招下，昨晚再到福田口岸直擊，發現未再有大規模扣車，但行動起到一定阻嚇作用，不少水貨客不敢拖車仔，改為每人手執幾個手抽袋、背囊等「抽貨」過關，部分人狀甚狼狽。有水貨客已謀定新招，構思在臨經過內地海關前先將車仔收入貨物內，過了海關再取出。另一奇招則是在四個轆的木板上釘上紅白藍膠袋推貨，在內地海關前將之扛在肩上，當手提行李過關。無論如何拆招，有水客指扣車仔行動持續，總「無以前咁好搵」，會考慮轉行。
「阿水」昨晚以「人肉運輸機」對抗扣車仔新招。
袋釘有轆板拆招
昨晚在福田口岸的「車仔」大幅減少，有人改用拖篋，更多人改為一手一袋，再每邊肩膀各孭多一袋過關。在內地居住的港人「肥仔」從事走水貨多年，指做水貨客「為搵兩餐」，知道福田海關有「特別行動」，質疑是否有水貨客的行徑觸怒官員，遂「玩嘢」以作「懲罰」，「肥仔」指近日會暫時手抽帶貨為主，又構思「四個轆木板釘紅白藍」過關策略，但打擊持續的確不利帶貨，拖篋也不能裝太多貨，成本高且又易壞轆，肯定「冇以前咁好搵」。
至於來自廣東的水貨客「阿水」是昨晨「扣車行動」受害人，車仔被沒收仍有一雙手的他，昨晚仍決定又孭又抽「行裝」過關走水貨。福田口岸連接內地地鐵，水貨客都會乘地鐵至附近地點交收，在地鐵安檢下，福田口岸地鐵站入閘處昨晚「打晒蛇餅」。
