好多人都話，做起一門生意比做起一個品牌容易，可見發展一個品牌嘅艱辛！「港產陀飛輪」萬希泉創辦人沈墨寧及兒子沈慧林（William）對於呢句話似乎別有心得，尋日佢哋出席發布會時，同現場人士分享吓品牌創作之路，睇見自己嘅創作被人受落，兩父子梗係開心，仲有意將新款腕錶嘅收益部分撥作行善添。

沈慧林一連幾天駐場鐘錶展，忙得好開心。

William結算咗新款腕錶系列嘅總收益，睇佢笑哈哈咁，似乎好滿意噃，佢話扣除發展呢款新錶嘅成本後，所有收益將會撥捐畀一個慈善機構。近排佢全力投入鐘錶展覽，仲話以後每年都非常期待可以參與鐘錶展，過去幾天，佢都係品牌嘅展館駐場，親身同行家接觸，工作雖然忙碌，但就愈忙愈開心！

第一手消息請下載on.cc東網iPhone/iPad/Android/Windows Phone Apps