城中鏡：膺傑出校友 王國強愛回「加」
喺上個月好多人放緊暑假嘅時候，金城營造集團主席KK王國強突然收到母校喜訊，通知佢獲頒傑出校友。本身係工程師嘅KK，曾經喺加拿大莎省大學修讀工程碩士學位，該校最近決定向佢頒發傑出校友獎，相信係對佢所作出嘅貢獻予以肯定。獲頒傑出校友固然開心，但KK話最開心係下月返加拿大領獎時，順便探望當地嘅老朋友，真係一舉多得。
王國強獲加國母校頒發傑出校友獎。
KK話喺啱啱過去嘅暑假真係飛個不停，大部分時間都喺飛機上度過。佢先同朋友去瑞士、意大利同法國玩，之後又飛咗去四川康定。咁都未夠，佢之後再去俄羅斯，然後又去北京參加閱兵儀式，嚟緊一星期會再離開香港！周圍玩當然開心，但真係少啲精力都唔得。正在進修嘅KK話讀書為佢帶嚟一定嘅壓力，但點都好，最重要係可以完成整個課程，相信周圍玩都可以幫助減壓嘅。
