又再有上市公司二代見大家喇，中智藥業主席賴智填位公子Steve賴穎豐尋日喺傳媒午宴登場。屬90後嘅Steve加入公司都有年幾，有份見證公司上市，但就未入董事會，所以平時好少曝光。Steve家陣就幫手睇住投資者關係，佢話咁好好，可以見多啲世面。

中智藥業主席賴智填（中）嘅「90後」公子賴穎豐（左）喺公司幫手。

Steve喺加拿大主修經濟及管理，對於接手公司生意無難度。不過，佢話依家打算喺港大報讀埋公司秘書，諗住Part-time形式讀兩年，到時中港兩邊走得更密。

第一手消息請下載on.cc東網iPhone/iPad/Android/Windows Phone Apps