唔到你唔信邪，唔係講農曆七月，係講「秋官效應」又靈驗。尋晚「秋官」鄭少秋主演套電視劇《誓不低頭》大結局，你估套劇由七月三十日起重播到完呢段期間，恒指跌咗幾多點？一千點？二千點？答案係足足3,657點！而今年四月重播《大時代》期間，港股只係累計跌569點。
《誓不低頭》重播期間恒指勁跌。（資料圖片）
股民又點睇？散戶Clay就話：「關咩事啊！呢啲都係講吓啫！套劇播足四星期，跌得嚴重嗰幾日啲人就講，升又唔見佢哋提。」
