溫傑（資料圖片）
債王格羅斯以前有隻貓女阿Bob幫揀股，新鴻基金融集團財富管理策略師Kenny溫傑亦有兩隻「估市」貓：大哥薯薯夜晚會陪Kenny睇Report，佢哋間中會傾吓股市，而細佬米米就淨識食；兩隻貓貓都係Kenny嘅私家策略師。
薯薯同米米兩兄弟喺地下你咬我頸、我咬你腳對股市有乜預示，睇怕只有溫傑先收得到。（互聯網圖片）
薯薯一臉愁容，跟住嘅恒指果然連跌兩日。（互聯網圖片）
兩隻貓貓都係Kenny領養返嚟。大哥薯薯鐘意炒股票，睇薯薯嘅心情可以知道股市升定跌。Kenny搵過動物傳心師同薯薯傾過，發現薯薯真係有靈性，所以Kenny帶米米返嚟之前，有問過薯薯願唔願意做哥哥。
細佬米米得五個月大，同哥哥一樣，BB嗰陣已畀Kenny收養。米米淨係鍾意食，對股票嘅興趣就冇咁大。貓奴Kenny對呢對「主人」好好，畀間房佢哋住，仲有24小時冷氣。
聽講Kenny嗰兩隻「私家策略師」啲情緒好貼個市，Kenny分析基本因素同技術分析外，都會「參考」吓佢哋嘅意見。薯薯仲直頭係Kenny嘅「天氣先生」，喺Kenny個facebook度預測股市。
呢兩隻「私家策略師」準唔準？話說七月三十一日（周五）當日恒指升，收報24,636點，但係夜晚薯薯仲係一臉愁容。跟住嘅周一、二，恒指果然連跌兩日！
不可思議？算吧，有啲天機，係貓奴先收得到，唔係人人得。
第一手消息請下載on.cc東網
