樊綱（資料圖片）
「工欲善其事，必先利其器」是常識吧！不過，內地人行貨幣政策委員會委員樊綱直頭講話，冇四個電腦芒，就冇資格炒股！
樊爺仲話散戶應該退出炒股，話炒股有風險，而且係專業嘢，所以「沒有四個電腦屏放在那兒你都沒資格炒股」，點解要有四個芒？樊爺話「你得看這個指數、那個指數」咁喎。
樊爺嘅意思，簡單一句係，平民百姓未夠班，炒股呢啲粗重嘢應該留番畀機構嚟做。佢話「因為機構除了專業，還是一個資金池，可以做資產組合規避風險」。身為人行智囊嘅樊爺咁講，無非想話內地股市仲未成熟啫！
話時話，一個「東網Money18」App，揸住部手機，N個指數即時睇晒；就算嗰位日本散戶股神，兩個幾星期大賺二億六千萬港元，都只係用一部iPad篤篤吓。究竟四個芒有幾咁專業？點解要係四個芒？唔係三個芒或五個芒呢？
第一手消息請下載on.cc東網
