城中鏡:楊婉儀 歐陽妙芝靚媽齊開學
暑假結束,大人細路都要開學,尋日一早八點幾鐘,港島一間私立學校門外已經有唔少人,人群中忽然眼前一亮,分別有前港姐楊婉儀(Winnie)同名模歐陽妙芝,原來佢哋不約而同做廿四孝媽咪,一早送子女返學。
楊婉儀尋日八點幾就親自送一仔一女返學。
歐陽妙芝都喺開學日親身送兩個囝囝返學。
一大早八點零鐘,Winnie同子女已乘車到達學校門外,以素顏示人嘅佢一落車,就搭住子女嘅膊頭走進學校,仲好友善咁打招呼:「早晨!咁早呀?」
暑假叉足電精神爽
約十分鐘後,見到妙芝以casual look現身,佢都係送兩個囝囝返學,開學第一日,各人精神十足,睇嚟呢個暑假叉飽電咁噃!