政壇：小明守會展兩蛋充飢

港大畢業生議會尋晚喺灣仔會展中心舉行特別會員大會，提出多項動議包括商討副校長任命風波，無論支持或反對校委會決定嘅校友都「冧友」出席投票，仲誇張到派「狗仔隊」駐守在場內外各重要位置，若有任何發現即向場內所屬陣營報料。

李家仁要駐守會展入口，佢特登帶備食物同水補充身體所需。

「小明」李家仁醫生都有份駐守，原來佢負責守會展中心入口處，由於要全方位睇實，會議又預定晚上十時半才結束，小明都預咗「孤獨」兼「有排企」，所以帶備兩隻雞蛋同樽裝水充飢。問佢點解駐守上址？佢透露，唔同校友負責唔同嘅崗位喎。