政壇：蔣家同心 祝賀菲傭榮休
話說喺立法會議員Ann蔣麗芸家中服務咗三十二年嘅菲律賓外傭Lita退休，返回菲律賓照顧其家人，蔣家多人現身Lita嘅歡送派對，包括阿Ann嘅爸爸蔣震同其太太，阿Ann嘅妹妹麗莉、麗苓、麗苑同弟弟志堅等，而Lita嘅朋友都有到場，唱歌送上祝福。
Ann（前右二）同家人歡送菲傭Lita（前排中）退休，其父蔣震（前左二）及其太太，妹妹麗苑（後左一）、麗莉（後左二）、麗苓（後排中）、弟弟志堅（後右二）等都有出席。（互聯網圖片）
阿Ann形容，Lita係第一代香港家庭外傭，過去三十多年來都相處融洽，而且話頭醒尾，令佢可以無後顧之憂咁為社會做事，最難忘係試過多次，佢工作回家後想食麵，原來Lita已心有靈犀，正在煮麵中，而離開前夕，Lita同將接替其工作嘅姪女都有做好交接嘅工作，認真有交帶喎。
