政壇：Cara G身教囡囡 愛大自然

為咗推動環保意識，有品牌特別邀請一向愛護環境同崇尚大自然嘅名模Cara G同小朋友一齊種植迷你樹。Cara更同大家分享咗有關愛護環境嘅故事，佢話：「呢次活動對我意義重大，因為我好喜歡大自然，係一個令我可以完全放鬆同做回自我嘅地方，近數十年嚟，我哋嘅環境陸續有唔同嘅問題出現，更提醒我哋要愛護環境，減低對大自然嘅傷害。呢啲概念要從小培養，特別依家有咗小朋友，我會更注重呢方面嘅教育，身教係好重要嘅，我依家已教囡囡India垃圾分類，又會帶佢多啲接近大自然，希望囡囡更懂得欣賞同珍惜呢個地球。」