連任多屆葵青區議員嘅建仔梁偉文，二○○七年同二○一一年兩度同女兒梁嘉銘父女兵上陣，最終梁偉文兩次都順利當選，梁嘉銘則連續兩次落選，據聞梁家對選舉嘅熱情無因而減退，事關十一月區議會選舉再有新嘅「梁家兵」參選，就係梁偉文嘅80後兒子梁崗銘擬出戰葵涌邨選區，連同梁偉文同梁嘉銘預料繼續參選，一家三口出戰同一屆區選，真係前所未見。

梁偉文(資料圖片)

梁崗銘

梁嘉銘

我哋曾聯絡梁崗銘，想了解佢點解有咁大興趣從政，梁崗銘未有多作解釋，只稱不方便，然後就急急掛線，其黨友替佢解釋，稱對方唔想博出位，想做實務喎。

有地區人士笑稱，梁家如此積極參選，莫非梁偉文想做葵青區「土皇帝」？不過話時話，要做「土皇帝」，前提係除咗梁偉文當選，佢一對仔女都要當選，先有機會實現呢個講法嘞！

第一手消息請下載on.cc東網iPhone/iPad/Android/Windows Phone Apps