政壇：周國豐夫婦 為仔撲名校
暑假已到尾聲，又係城中父母為子女升學忙碌嘅時候，尋日直資名校拔萃男書院附屬小學舉行兩場家長簡介會，打算招收一百五十名小一新生，於明年九月入學，吸引近千家長去聽講座。社交名人周國豐與太太黃泳霖（Jenny）亦親自出動，原來佢哋係為今年五歲嘅大仔搵心水名校。
周國豐夫婦聯袂出動，為五歲的兒子撲名校。
Jenny喺門外都同我哋傾番幾句，透露打算幫囝囝報讀幾間直資小學，亦唔希望阿仔讀書壓力太大。咁佢欣賞男拔附屬小學啲乜嘢呢？佢就話唔講咁多喇，跟住急急腳同老公入場，唔通驚遲入場失咗印象分？
