城中鏡：張天愛內地辦藝校
香港芭蕾舞團舞季揭幕，一眾同芭蕾舞好有淵源嘅嘉賓到場，包括長時間喺內地發展嘅張天愛（Flora），依家佢喺內地都開咗學校，專教唔同國家嘅文化藝術，講到香港嘅芭蕾舞發展，佢認為要靠小朋友，因佢哋接觸嘅更多。
香港芭蕾舞團舞季揭幕，張天愛（右三）同一眾嘉賓齊齊擺個芭蕾舞姿。
林煒珽小學階段曾學跳芭蕾舞。
依家修讀緊博士課程嘅Flora講到內地嘅教學情況，佢話內地有唔少混血兒，佢哋都會喺國際學校返學，即使學校一年學費高達二十八萬元（人民幣），都好多學生，而佢哋間學校係第一間集合多地嘅藝術課程。
場中仲見到幫芭蕾舞團擔任攝影師嘅林煒珽，原來佢小學階段曾學跳芭蕾舞，但只學了五年，依家幫芭蕾舞團影相同整宣傳照。
