證券及投資學會一年一度頒授嘅榮譽資深會員資格，呢個資格素有財經界終身成就獎之稱，獲頒授終身成就獎嘅係有「頭箍小姐」之稱嘅前財經事務及庫務局常任秘書長區璟智。

頭箍小姐區璟智將獲頒財經界終身成就獎。（資料圖片）

區璟智舊年聖誕節退休，依家無官一身輕，做咗「協青社」會長，專門幫啲迷失青年重回正途，今次佢獲頒財經界終身成就獎，真係幾威（口架），事關呢個成就獎，今年已係第十一屆。過往十年，攞過呢個銜頭嘅全部係重量級人馬，好似李業廣、已故利國偉爵士、梁定邦、周文耀、鄭維健、史美倫、沈聯濤以及夏佳理咁。

由得獎名單嚟睇，大部分都係監管機構前阿頭，喺退任後頒畀佢哋，表揚佢哋任內貢獻。咁嚟緊仲有乜人大熱？斷估證監會前副行政總裁張灼華係大熱之一！

第一手消息請下載on.cc東網iPhone/iPad/Android/Windows Phone Apps