向來打扮時尚嘅建築師學會會長吳永順，尋日突然戴住條掛有三十幾條銀色金屬條嘅紅底頸帶現身公開場合，睇落頗為老土。原來嗰啲銀條喺歷屆學會會長嘅名牌，佢身為現任會長，每次出席學會官式活動都要戴住，名副其實係「背負歷史」。佢承認條帶都幾重，有啲活動成兩個鐘咁耐，都好吃力下。問佢會唔會搞到周身骨痛，佢笑言隨着年齡增長，唔戴都腰酸骨痛啦！

吳永順條頸帶上面嘅銀色金屬條，原來係歷屆嘅建築師學會會長名牌。

對於近日有人向城規會建議取消部分電車路段，向來重視歷史嘅吳永順認為電車係香港多年嘅文化、特色，係珍貴嘅資產，睇唔到有任何理由要取消，如果話電車阻路，暗示提出建議嘅人已經攞晒曝光。

第一手消息請下載on.cc東網iPhone/iPad/Android/Windows Phone Apps