香港菁英會尋日舉行第八屆執委會就職典禮，Wingco盧金榮喺梁宏正手上接棒成為新一任菁英會主席。面對年輕人近年嘅情況及訴求，Wingco話本地競爭的確比過往激烈，所以嚟緊佢哋會加強年輕人嘅培訓工作，等年輕人可以透過自我增值來提升自身競爭能力。

廖偉麟（中）同陳龍盛（左）幫菁英會管錢，右為陳龍盛太太謝嘉恩。

高松傑以手機App教吹色士風。左為甄韋喬。

盧金榮（右）接替梁宏正成為新任菁英會主席。

深明畢業生搵工難嘅Wingco話會繼續搞多啲實質培訓同實習計劃，皆因創意同食腦先係本地年輕人最大賣點。升呢做司庫嘅廖偉麟同副司庫陳龍盛就透露，啱啱搵到香港賽馬會資助佢哋幫年輕人創業。陳龍盛認為好多行業的創業成本唔高，好似寫手機應用程式就係其中一條路。

高松傑寫App教吹色士風

講起寫手機App，菁英會理事高松傑就好有心得。佢原本經營音樂中心教吹色士風，後來發現傳統的教學模式有局限，於是就編寫手機App令學生重溫上堂學過的色士風技巧，未來仲會再出多個以針對色士風考試訓練嘅App。佢話現時仲有義教二十個本地基層學生，諗住訂造啲樂器畀學生借用時，意外發現適合亞洲人使用嘅色士風，因而開始喺台灣生產自己品牌嘅樂器。

第一手消息請下載on.cc東網iPhone/iPad/Android/Windows Phone Apps