政壇：波波話「地下秩序」似血管

提到「地下秩序」呢四個字令人聯想不太正派，甚至係電影中正邪主角大鬥法嘅場景橋段，估唔到連發展局局長「波波」陳茂波喺最新網誌以官方身份公開提及「地下秩序」，又形容似大家體內「血管」一樣支持有機運作，不過唔好捉錯用神，其實佢講緊嘅係龐大而精密嘅地下設施，用以維持城市嘅安全同有效運作。

波波喺最新網誌以《專業用心的「地下秩序」》為題，佢所指嘅「地下秩序」係包括各類管道，分別為市民供應食水同沖廁水、排洪、淨化同排放污水。另外有部分係創新嘅地下工程，以鞏固斜坡，同埋開拓岩洞及地下空間以增加土地資源。