政壇：民企龍湖「成功非父幹」

龍湖地產每半年一次記招，焦點當然係主席吳亞軍，但尋日吳總缺席，聽講係為咗一個論壇忙緊。醒起嚟緊月尾重慶有個「亞布力中國企業家論壇」，內地重量級企業頭頭齊集。吳總忙緊嘅，睇怕都係呢「壇」。

作為民企嘅龍湖得到投資者肯定，邵明曉（左）話「從來沒有感覺那麼好」。

尋日龍湖CEO（首席執行官）邵明曉見傳媒時忽然感觸，話龍湖作為民企，「沒有強大的爸爸媽媽」，要靠自己「做大做強」，但依家都得到投資者嘅肯定，「從來沒有感覺那麼好」咁話。

點解咁講？皆因唔似得啲國企，民企無得靠父幹，一味自己嚟。上個月龍湖發行嘅一筆五年期境內公司債，利息只係三點九三厘，呢個幾乎係國企水平嘅低息，佢都爭取到，對內房民企嚟講又真係幾叻仔。