農曆七月嘅盂蘭勝會歷史悠久，但大家又有冇聽過「搶孤競賽」呢？「搶孤」意思係搶奪祭祀孤魂祭品，係濟貧活動。因為清代潮汕地區多天災，無家者會爭相搶奪祭品，呢個習俗能喺潮汕地區延續百年，連台灣、福建等地都有類似活動。香港潮屬社團總會會董、盂蘭文化節總統籌胡炎松話，總會將於本月二十七日（農曆七月十四）鬼節當日首次舉辦「盂蘭搶孤競賽」活動，望吸引青年人傳承文化。

胡炎松展示「搶孤競賽」中所使用嘅米包。

「搶孤」意思係搶奪祭祀孤魂祭品，係濟貧活動。

香港潮屬社團總會將「搶孤」改良，加入競技性質，比賽由十八隊爭奪，每隊五人。每組比賽有三隊參加，輪流喺五尺高竹棚上掟米包，棚下兩隊要用竹製的「孤承」去接米包，接到最多者可出線爭奪現金獎，冠軍有五千元獎金。