憑兩根手指苦讀、啱啱獲得港大取錄嘅脊髓肌肉萎縮症學生周佩珊，發起「閃眼挑戰」籌款活動，參加者要跟住音樂節奏「閃眼」打拍子，活動係延續去年嘅「冰桶挑戰」，為脊髓肌肉萎縮慈善基金籌款，被點名者若不參賽就要捐款一百元替代。

盛智文（中）接受了「閃眼挑戰」籌款活動。

發起人周佩珊首先挑戰海洋公園榮譽顧問「扮嘢文」盛智文，佢輕易過關後，再點名三人接力，分別點咗前高官「阿松」梁錦松同「肥亨」馬時亨，仲有現任商務及經濟發展局局長蘇錦樑。

挑戰者要跟隨音樂眨眼打拍子，拍低過程再上傳到社交網站。扮嘢文就大讚阿松好人，而蘇錦樑上次冰桶挑戰拖佢落水，今次到佢報仇咁話。