前新聞主播趙海珠尋日出席嬰兒奶粉品牌嘅活動，現場有好多活潑好動嘅小孩，問到有冇心郁想追多個？佢坦言：「想呀，不過順其自然啦，每日係咁諗住反而冇。」再問佢係咪想追個女湊成「好」字？佢話「仔女都得，老公想生女。唔會尋求秘方，順其自然啦！」

趙海珠

提到推廣喺公眾場所餵哺母乳，佢好支持，「我有好多朋友就算出街食飯，都會o係o個度餵母乳，餵母乳愈來愈普及，大家都開始接受到。唔會尷尬，餵母乳係天職。」對於名模周汶錡話「其實餵人奶，佢就唔飽o地」，其後澄清母乳不足，趙海珠話：「好難評論，我之前都唔夠（母乳），不過呢兩年同品牌合作接觸好多醫生，佢o地話其實只要媽媽夜晚唔好懶，畀BB啜下，好似engine keep住運作就會有母乳。」