[記者馮穎瑜報道] 學烹飪、手工製作、科學實驗……不少家長希望子女有「十八般武藝」,即使學生放暑假亦「無得抖」,有機構今年舉辦逾二千項暑期活動,大部分在報名首天已告額滿,反應非常熱烈,究竟哪款暑期活動最搶手?原來戶外參觀最「得寵」,參加人數急增十七倍,興趣班亦增加三倍,相反學習班參加率則驟降三成。有專家指近年興趣班的上課模式轉型,務求滿足家長「玩得又學到嘢」的心態。

戶外參觀活動在暑假最「搶手」,小朋友可獲得證書,表現興奮。

興趣班上課模式由以往玩樂加入學習,有烹飪班同時兼學英語。

暑期興趣班寓學習於娛樂,砌模型可訓練學生耐性及專注力。

「每星期返六日興趣班,但一啲都唔攰!」七歲的丘子晅在暑假共參加六項活動,包括鋼琴班、英文班、烹飪班及科學實驗班等,她強調所有活動「都係自己揀,覺得好好玩」。

玩過山車學科學原理

香港遊樂場協會總發展主任(策劃及研究)溫立文指,家長每逢暑假均會為子女報讀多於一個暑期班,偏愛選擇戶外參觀活動,「無咁多假陪仔女,又唔想佢哋留喺屋企打機睇電視,就揀平時去唔到嘅地方,好似汽水廠參觀,一嚟增廣見聞,二嚟有人陪」。

有學習元素的興趣班亦是家長的心頭好,溫立文指近年興趣班的上課模式已起變化,由以往純粹玩樂,至現時要有學習元素,「家長要求高咗,參觀主題公園玩過山車想學埋科學原理,上烹飪班學英文,踢足球訓練小朋友嘅心理質素,完咗活動要有證書或者納入義工時數計劃」,一次過滿足多個願望。