80後夫婦成功標尾會
【本報訊】二千一百六十個新居屋單位銷售近尾聲，現只餘元朗宏富苑五十九個單位，最後一批揀樓人士下周一可到樂富房委會客務中心揀樓。八十後年輕夫婦昨成功標尾會，以二百四十多萬購入元朗宏富苑一個單位，屋苑雖被工廈包圍，兼且需要由市區搬入新界重新適應，但二人認為抽中居屋機會難過中六合彩，決定「住住先」。新居屋中四個屋苑的總承辦商曾捲入鉛水事件，但仍無礙市民上車決心。
尤先生：真係好好彩，中六合彩都無咁難，置業最緊要裝備好自己，要儲定一筆錢先有得買。
徐先生：當初諗住無得揀心情有啲失落，但最後成功好開心，第時供樓仲平過租屋。
王太：好開心，唔使驚第時畀人加租，鉛水都唔驚啦，依家搞到咁大件事，會驗清楚先畀我哋。
成功需苦幹，八十後尤氏夫婦購入宏富苑一個單位，坦言並非首選，尤太指單位三面環繞工業大廈，日後需要由市區搬入新界，但認為可以「住住先」。年輕夫婦成功上車，二人一早已定下買樓計劃，尤先生十年前投身社會時月入僅七、八千元，但以三分一薪金投資基金，三年後儲蓄達十萬元，早年拍拖旅行只會到內地，澳門，每日亦限定自己不超支，認為成功買樓並非只靠投資，亦無家人協助，裝備自己才是首要。「你起碼要儲一筆錢先，到機會嚟先有得買」。
另一位徐先生以二百一十多萬元購買青衣青俊苑，現時一家以一萬二千元租住灣仔一個單位，他預計日後供樓月花九千元，較租樓更輕鬆，坦言原本預計買居屋機會落空，但昨成功購得心儀單位，心情非常開心，兒子亦高興說將來終於有自己房間。
鉛水事件左右決定
新居屋五個屋苑中，除宏富苑外，四個屋苑的承辦商分別為中國建築（香港）及保華建築，與部分鉛水事件涉事屋邨承辦商相同。購入宏富苑的王太指今次機會難得，即使近期爆出鉛水事件亦不太擔心，「依家搞到咁大件事應該會執番好啩，希望驗清楚先交畀我哋」。另一位準業主劉先生持相反意見，指元朗宏富苑有溶洞，「職員同我哋講政府嘢唔使驚，但鉛水事件都搞到咁，無咩信心」。
