幾年前英國議會爆出「津貼門」醜聞，有議員假公濟私，當公帑係提款機，連屋企裝修都要納稅人埋單。其實，天下烏鴉一般黑，香港政客亦係一擔擔嘅咋。

有議員被踢爆利用公帑為所屬政黨裝修。

本報日前踢爆有立法會議員濫用津貼，狂買IT潮物有之，豪買電器傢俬有之，各適其適，無奇不有。原來醜聞愈揭愈多，有反對派議員申領近五萬元公帑，為所屬政黨總部進行大裝修同添置設備，擺到明益自己友。建制派議員亦唔好得去邊，有人用津貼聘請任職區議員嘅黨友做助理，變相支取兩份公帑人工。

點解政客可以予取予攜？冇計喇，制度有漏洞吖嘛。根據當局嘅規定，只要議員事先申報一個地方作為辦事處，就可以憑單據申領營運開支，結果咪搞成咁囉。正如有人質疑，下次容乜易有人申報自己屋企做辦事處(o架)？至於聘請議員助理，更加放任自流，除咗直系親屬之外，其餘悉隨尊便，唔怪得絕大多數助理都係議員自己友喇。議員經常批評政府大花筒濫用公帑，點知有口話人冇口話自己，呢啲咪就係嚴人寬己囉。

見微知著，政客做正經嘢唔見咁積極，一講到攞着數就不甘後人，市民早就見怪不怪，最離譜係有人利用公帑達到個人政治目的。好似綽號「盲毛」嘅公民黨毛孟靜咁吖，舊年佔領期間申報近八千元購買發電機、電油、鋁合金帳篷等物資，究竟用嚟做乜呢？面對外界質疑，佢死撐「記憶中相關物品冇用於佔領區」，簡直侮辱市民智慧。難怪引起群情洶湧，尋日又有團體去佢辦事處踩場，直斥佢反中亂港，愧對選民。

正如有區議員話齋，自己從事地區工作廿幾年，從來唔需要動用發電機及帳篷，毛孟靜等政客嘅行為有濫用公帑及違反議員操守之嫌，立法會應該引用特權法調查。不過咁，調查又點吖，政客最叻玩包庇，最後咪又係做騷咁做。好似毛孟靜咁吖，收取壹淫媒老闆淫賤黎黑金，連金主都直認不諱，佢咪又係詐傻扮懵。所以話，官字兩個口，政客都係一樣嘅咋，只要以爭取民主為名，就可以打橫行，當年白鴿黨涂謹申以高於市值租金租用自己公司物業，最後一樣毫髮無損，問你服未。

諗落都幾可悲，官僚有官僚廢，政客有政客衰，搞到成個香港烏煙瘴氣，七國咁亂，想有運行都難喇，叮！