本港工業日漸式微，不少工廈單位亦已被丟空，吸引不同行業人士進駐。經濟學者指，不少工廈位處市區，且租金遠較同區地舖及商業大廈便宜，故對創業人士或小商戶具一定吸引力。

「工廈最吸引嘅地方，主要係租金較平，大概只係同區地舖或者商廈嘅一半左右。」中文大學商學院助理院長李兆波指，不少工廈位處市區繁忙地點，人流多且交通便利，故成為不少創業人士或藝術團體的首選，「而且部分管理公司會對商場嘅舖頭有限制，例如舖頭類型、裝修風格等，工廈相對上無乜呢類限制。」

李稱，雖然落戶工廈能減省成本，惟在宣傳上卻必須多下工夫，「市民唔會無端端走去行工廈，亦唔會知工廈入面有乜舖，商戶必須花更多資源宣傳，以吸引客源。」