咦!立法會紡織及製衣界議員Felix鍾國斌竟然親自車衫同熨衫?睇佢喺社交網站嘅相,坐喺架衣車前面,雙手按住塊布,對腳仲踩緊腳踏(圖),似乎真係識用喎。原來Felix啱啱去完馬來西亞參觀一間博物館,睇咗部四十年前嘅舊衣車,佢話細細個曾經喺爸爸間工廠跟師傅學車衫,啲師傅睇在爸爸份上,都冇點鬧佢。

Felix話要學好車衫技術好難(o架),尤其係轉彎位,如果唔識車,個膊位就會唔啱。佢已經十幾年冇車衫,已經唔係好識車,如果車完黐得埋件衫已經好好喇!不過,熨衫佢就最拿手,依家都仲有成日熨。緬懷完當年光輝,佢都想幫業界重新出發。(互聯網)