和記電訊香港推出音樂App，而一講到聽歌，佢哋嘅營運總裁Jennifer陳婉真自爆讀書嗰陣好鍾意聽日文歌，仲係中島美雪嘅超級fans添！

陳婉真自爆讀書嗰陣好鍾意聽日文歌。

聽清楚、睇清楚，係中島美「雪」，唔係做《NANA》嗰位中島美「嘉」。Jennifer講緊嗰位中島美雪，係日本國寶級創作歌手，佢唱歌、填詞、作曲都一樣咁叻，80年代超紅，佢有啲歌仲納入咗日本中學教科書做教材。

佢啲歌？王菲嘅《容易受傷的女人》、鄧麗君嘅《漫步人生路》、林子祥嘅《莫再悲》都係改編自佢嘅歌，總有隻聽過啩，除非你唔係香港人。

Jennifer仲話以前係聽中島美雪嘅「卡式帶」，最近先買番晒佢嘅CD咋！