今時今日，乜都要講創意，「鼠戰中環」慈善接力賽今天踏入十周年，搞咗十年嘅活動梗係要有新意，今年就由鼠王的新衣打頭陣，尋日「鼠戰中環」籌委會聯席主席何子澎就率先同着住新衫嘅鼠王亮相。

何子澎（右一）同小設計師齊亮相。

何子澎與穿上鮮艷新衣的鼠王合照。

主辦機構置地同《黃巴士》早前合辦「未來鼠王服飾設計比賽」，畀班五至十歲小朋友做Fashion Designer，活動收到超過四百份參賽作品，當中十套得獎作品跑出，籌委會舉行頒獎禮時，鼠王梗係穿上新衣，連埋佢哋嘅設計師一齊亮相，叫得做鼠王，啲小設計師嘅設計概念亦霸氣同帥氣兼備，睇到何子澎好開心，第一時間同着住新衫嘅鼠王「打卡」留念。

你都想打卡？據講呢批公仔會喺置地旗下嘅中環物業展出，展期至十月二十五日，要打卡仲有大把時間。