前立法會議員黃成智因為撐政改「袋住先」而被踢出民主黨（白鴿黨），佢計劃連同前黨友狄志遠等籌組新政黨，早前佢哋幾個核心人物去咗台灣，此行原來係集思會兼聯絡感情。

一行人去到十分，唔少得放天燈許願。

黃成智（右二）、狄志遠（左一）等準備籌組新政黨，日前拉隊去台灣，既旅行又集思。（互聯網圖片）

呢個醞釀中嘅新政黨，早前已傳出有葵青區議員周奕希、前白鴿黨總幹事陳家偉等人，預備搶攻年底嘅區議會及明年立法會嘅選舉，早前佢哋去台灣搞集思會，成智仲帶埋囝囝同行添！呢個四日三夜嘅行程，去咗花蓮同平溪十分，去到十分時，當然要放天燈許願啦，只見天燈上面嘅願望寫有「不要講、只要做」，似乎呢六個字代表佢哋新政黨及新班底嘅格言，雖然話呢個政黨仲處於籌組階段，但核心人物似已曝光，依家集思會完結，估計佢哋好快有動作囉。