富商鄭躬明太太Qinnie陳君宜開設嘅網站尋日舉行開倉大特賣,獲好友羅霖、江若琳同「恒生新抱」Anina何倍倩捐衫支持,Qinnie大讚:「佢哋都好有心,好多衫只係着過一次唔想浪費,所以捐出嚟賣,而賣到嘅錢會捐去慈善機構。Anina全部衫都乾洗過先拎嚟,好乾淨。」

陳君宜(圖)話近期爆紅嘅羅霖所捐嘅二手衫最受顧客歡迎。

搶唔搶手呢?Qinnie話當中以近期爆紅嘅羅霖所捐嘅二手衫最受歡迎,「佢捐咗幾箱嚟,但只係開倉半日,依家賣剩七件,好搶手。」仲透露今次係其網站zeuz首次開倉,為此忙得不可開交,連湊仔嘅時間都要犧牲,「BB依家五個月大,我今朝出門口都好唔捨得佢。」