個人資料私隱專員蔣任宏完成咗五年任期，卸任前喺專員網誌發表離別感言，佢話私隱同言論自由唔會互相牴觸，反而互為補足，如果私隱保障無做好，仲會妨礙言論自由添！佢以廣西社團總會上載學生對政改睇法，最後令學生飽受網絡欺凌事件為例，證明私隱缺乏保障，令人難以追求理想嘅生活，最壞情況仲會令大眾喺網絡同日常交往都唔可以暢所欲言，真正危害言論自由同民主社會嘅基礎。

蔣任宏

蔣任宏仲話科技發展日新月異，私隱監察工作難以追上，對個人私隱帶嚟嚴重風險，希望科技發展商成為負責任嘅企業公民，將保障私隱成為競爭優勢，保障顧客喎。