從不吐心事父哀顧家女墮斃
【本報訊】醉酒夜歸少女輕生，六旬父嘆失顧家女。十七歲少女周采欣前日在中環住所天台一躍而下輕生，周父昨日獨自到殮房認屍後開腔，形容愛女「好顧家，好照顧個妹」，坦言：「我太太都冇鬧過個女……嗰晚我見佢飲得咁黐線，醉得咁緊要，我都話咗佢一兩句。」惟女兒當時根本「控制唔到，衝出馬路，又大叫大喊」，回家途中未入家門便「一衝就衝咗上天棚」，他目睹女兒爬出欄杆躍下，已來不及阻止。
周采欣父親昨晨到殮房認屍。
墮斃少女周采欣。（互聯網圖片）
六十一歲的周父憶述，前日凌晨采欣遲遲未歸，他多次致電無人接聽，他擔心女兒安危，遂在屋企樓下尋女。未幾，他接到女兒的朋友來電，指采欣飲至醉醺醺，走出馬路未能喊停；他於是外出接女兒。他坦言，女兒鮮有夜歸，故作為父親特別緊張。他後來才知道女兒的電話無電，所以無法聯絡上，當見她滿身酒氣，於是苦口婆心提點若晚歸，要先知會家人。女兒聽到後沒有反應，豈料她返抵太榮樓，未進家門便直奔上天台。
兼職問卷員賺生活費
周父說：「佢一衝就衝咗上天棚，就因為佢飲醉酒，醉得好犀利！」他未及阻止爬出欄杆的女兒，目送她墮樓，白頭人送黑頭人。周父大讚女兒顧家，平日有做兼職，替議員做問卷調查，賺取生活費，並說：「佢好樂觀，好開朗，由小學到依家都係。」他續說，女兒未曾透露有不快，亦不清楚女兒有飲酒習慣，不諱言：「依家啲小朋友，佢有咩事都唔會同父母講嘅，最多同朋友同學講。」親友在墮樓現場路祭，留下化寶盆及香燭。
事發於前日凌晨五時許，采欣夜蒲飲酒至酩酊大醉後，在住所天台跳樓身亡，母親得悉愛女跳樓後，赤腳追出，抱屍痛哭七分鐘。
