移居日本嘅息影女星陳美齡近排經常喺香港現身，佢保養得宜嘅後生樣成為唔少人茶餘飯後嘅話題。日前佢一身青春打扮現身港島一間中學，同青春無敵嘅中學女生進行綵排。原來佢係為該校嘅慈善籌款獻唱，當佢唱出多年無公開演唱嘅首本名曲Circle Game時，參加綵排嘅人都聽到如癡如醉。

陳美齡與一班中學生為慈善演出綵排。

陳美齡見到班學生自不然諗起當年，佢自言以前好怕醜，所以逼自己做義工去練大個膽，為咗氹小朋友開心，佢會自編「王子救公主」故事，又教唱歌，由於多咗唱歌因而獲邀到唔同中學表演，結果入行做埋歌星添！