城中鏡：唐貝詩戒蒲 勤做瑜伽
城中女性大都希望擁有美好身段，名媛寇鴻萍索爆千金唐貝詩（Lydia）嘅修身秘方可能係良方，只係，難度唔細，大家要量力而為。
唐貝詩身體柔軟度高，唔少瑜伽動作都好具挑戰性。
Lydia家吓謝絕夜生活，戒夜蒲之餘，仲勤力做運動，日前，佢就相約三五知己跑到西貢附近嘅沙灘做瑜伽，投入大自然舒展筋骨，佢嘅身體柔軟度甚高，輕而易舉做出多個高難度動作，佢話自己練瑜伽時，都曾經遇到困難：「我一直想嘗試在自然環境下做瑜伽，今次終於如願以償，在沙灘做瑜伽頗有難度，因地面不太平坦，每做一個動作都要格外小心，以免扭傷。」
佢話，依家自己唔再喜歡夜晚出街玩，心態變咗，只想約幾個志同道合嘅朋友一齊簡簡單單咁做運動，然後食個飯就掂，生活好健康。
