市建局首個資助房屋項目啟德「煥然壹居」唔單止以高價推售，單身人士更被摒於門外。資助屋有名無實，市民一怒之下就去搵主席和和發洩。

市民︰限制多多，究竟係咪想幫人上車？

和和︰我哋針對嘅目標係新婚夫婦，幫佢哋建立頭家。

市民︰哦，二人就可以有家；一人就唔可以有家？

和和︰……呢啲倫理上嘅問題，我係唔會回答。

市民︰算，咁資助屋點解要賣咁貴？你哋唔係以人為先咩？

和和︰係，我哋係以人為先，但有樣嘢比人排得更先……你懂的。

市民︰咁仲點叫資助屋呀？

和和︰嘻嘻，我哋嘅資助屋全名係「資助基層唔買屋」嘛。

市民︰@#$$%%^^

第一手消息請下載on.cc東網iPhone/iPad/Android/Windows Phone Apps