話說南韓早前爆發新沙士疫情，香港同好多國家一樣，發出旅遊警示勸喻市民切勿前往，不過，康泰旅行社董事總經理Jason黃進達一於好少理，四日前前往南韓行咗一轉，發覺當地已從疫症嘅恐慌中恢復過來，認為港府無必要繼續維持紅色外遊警示喎。

黃進達到南韓仁川綜合市場一嘗新鮮海產。（受訪者提供圖片）

Jason話南韓係港人嘅熱門旅遊勝地，但自從上月港府發出外遊警示，南韓旅行團全部叫停，令好多打算到南韓歡度暑假嘅市民裹足不前，而彼邦負責招待遊客嘅商戶，生意亦一落千丈。Jason明白面對新沙士疫情，大家都唔可以掉以輕心，但南韓今次疫情一直發生於醫院範圍，且自今個月初以來，南韓已有二十多日無出現新增病例嘞！

第一手消息請下載on.cc東網iPhone/iPad/Android/Windows Phone Apps