政壇：中金搞上市整喊內地金融人
中金（CICC）上市唔單止萬眾矚目，連中金人都興奮落淚！日前CICC遞咗嚟港上市嘅申請。呢一遞，即刻搞喊好多內地金融人，佢哋好多都係CICCbaby，即是當年一畢業就入中金，呢班出自中金嘅第一代國內投行人，睇住阿娘捱咗二十年終於上市，好難唔感觸同埋落淚。
有個由畢業就加入中金工作嘅CICCbaby，睇到母公司嘅上市文件，諗番過去十年嘅點滴，啲眼淚即刻湧出嚟，佢將呢段感受打咗上網，即刻獲得幾百個中金人讚好同埋評論。唔單止一般員工，連中金董事長丁學東出席一個國際論壇都係掛中金嘅PASS，可想而知，丁總都以身為中金人而自豪。而CICC每年嘅新春晚會，都受到員工高度重視！女員工會遠赴巴黎買衫裝身；有交易團隊更加會提早一個月搵嚟中國最好嘅老師培訓高難度舞蹈。
