原香港浸會大學校長陳新滋早前退休,表明退休後會專注學術發展,唔會擔任政府公職,而事隔一段時間後,佢嘅去向就明朗化,有內地傳媒報道陳新滋受聘為廣州中山大學教授、中山大學學位委員會主任,據聞陳新滋喺本月開始已於中山大學藥學院開展工作。

有指陳新滋喺本月開始已於中山大學藥學院開展工作。(資料圖片)

中山大學對於陳新滋加盟似乎有一定期望,認為佢對於中山大學藥學院建設一流學科,拓展研究並加速科研成果轉化等方面都有積極推動作用,甚至對中山大學人才隊伍建設,起到引領同示範作用。

仲記得,陳新滋上月底最後一次以校長身份同傳媒茶敍時,提及遺憾任內未能發展中醫教學醫院項目,依家佢北望神州,轉到內地中山大學藥學院開展工作,唔知算唔算還咗佢本人部分心願呢?

第一手消息請下載on.cc東網iPhone/iPad/Android/Windows Phone Apps